वासिङ्टन । अमेरिकी सिनेटर कमला ह्यारिसले सोमबार राष्ट्रपतिका लागि उम्मेदवारी घोषणा गरेकी छिन । राष्ट्रपति डोनाल्ड ट्रम्पसँग प्रतिस्पर्धा गर्न उम्मेदवारी घोषणा गर्नेहरुको भिडमा उहाँले पनि उम्मेदवारी घोषणा गरिन ।

अमेरिकी मूल्यमान्यताका लागि र आगामी दिनमा अमेरिका आफैँमा भर पर्नुपर्छ भन्ने पक्षमा उभिदै आफूले राष्ट्रपतिका लागि उम्मेदवारी घोषणा गरेको उहाँले बताउनुभएको छ । सामाजिक सञ्जाल ट्वीटरमा राखेको भिडियो सन्देशमार्फत् उहाँले उम्मेदवारी घोषणा गरेको समाचारमा जनाइएको छ ।

सानफ्रान्सिस्कोका लागि २००४ देखि २०११ सम्म दुई कार्यकाल जिल्ला प्रतिनिधि भएकी उनि दुईपटक क्यालिफोर्नियाको आम निर्वाचनमा पनि निर्वाचित हुनुभएको थियो । त्यो कार्यकाल उहाँको २०११ देखि २०१७ सम्म थियो । अमेरिकाको अन्त्यधिक जनसंख्या भएको यस राज्यमा उनि कानुन कार्यान्वयन प्रमुख अधिकृत बन्ने पहिलो महिला मात्र नभई पहिलो अश्वेत नागरिक पनि हुन । उनि भारतीय तामिल समुदायकी छोरी हुनुहुन्छ ।

अमेरिकाको इतिहासमा उहाँ दोस्रो अश्वेत महिला सिनेटर हुनुहुन्छ । पहिलो अश्वेत महिला सिनेटर कारोल मोसेलेय ब्राउन थिए । अमेरिकामा झण्डै २२ महिना पछि सन् २०२० मा राष्ट्रपतीय निर्वाचन हुन लागेको छ । त्यसका लागि अन्य नेताहरुले पनि उम्मेदवारी घोषणा गरेका छन् भने उम्मेदवारी घोषणा गर्ने क्रम चलिरहेको छ ।