Spread the love
  • 1
  •  
  •  
  •  
  •  
  •  
    1
    Share

काठमाडाैं । एके–४७ विश्वको खुंखार हतियारमा पर्दछ । यसको उत्पति देखिनै यो हतियारलाई उछिन्ने कुनै हतियार बनेको छैन आजसम्म । यसका आविस्कारकका बारेमा त सबै जानकार नै छौं । रुसका प्रख्यात वैज्ञानिक क्लासनिकोभ नै यसका आविस्कारक हुन । सन् १९४७ मा निर्माण भएकाे यो हतियारको नाम नै अटोमेटिक क्लासनिकोभ अर्थात् एके र सालको नाम जोडेर एके–४७ राखिएकाे हो ।

क्लासनिकोभको पुरा नाम मिखाइल तिमोफेयेविक क्लासनिकोव हो । उनी आमाबाबुका १९ सन्तान मध्ये १७ औं सन्तान हुन् । क्लासनिकोभको जन्म १९१९ नोभेम्बर १० मा भएको हो । गरीब परिवारमा जन्मिएका उनलाई ६ वर्षको उमेरमाविभिन्न प्रकारका गम्भीर रोगको शिकार बने । उनी मुस्किलले बाँच्न सफल भए । सानै उमेरदेखि उनलाई मेसिनप्रति अत्यन्त रुची थियो ।

मेसिन चलाउन उनलाई रमाइलो लाग्दथ्यो । उनी सन् ज्ञढघड मा रुसको लाल सेनामा भर्ति भए । उनको उचाई सेनाको मापदण्ड भन्दा कम भएपनि उनको मेसिनप्रतिको रुचीका कारण सेनामा भर्ति लिइएको थियो । मेसिनप्रतिको ज्ञानका कारण उनलाई पटक पटक पुरस्कृत पनि गरियो । उनी सेनामा ट्यांक कमाण्डर सम्म बनेका थिए ।

यसकारण बन्यो एके–४७
क्लानिसकोभले एके–४७ बनाउने समय दोस्रो विश्व युद्धको थियो । दोस्रो विश्वयुद्धमा ट्यांक चलाउँदा चलाउँदै उनी घाइते बने । उनलाई उपचारका लागि अस्पताल लगियो । जब उनको अस्पतालमा उपचार भइरहेको थियो त्यसबेला केही सैनिक उनीसँगै अस्पतालमा थिए ।

उनीहरु रुसी हतियारको कमजोरीका बारेमा गफ गर्दै थिए । उनीहरुको गफ सुनेपछि क्लानिस्कोभलाई अपमानित महसुश भयो । त्यसपछि उनले रुसी सैनिकका लागि यस्तो हतियार बनाउने जसप्रति आफ्नो देशका लागि गर्व महसुश होस् ।

केही वर्षपछि उनले एके–४७ राइफल बनाए । असाध्यै कडा मेहनतले बनाएको यस राइफल धेरै कुराहरुलाई मध्यनजर गर्दै बनाइएको थियो । रुसी सीमामा धेरै जाडो हुनेहुँदा भारी हतियार बोक्न सैनिकहरुलाई समस्या हुने गर्दथ्यो । तर उनले एके–४७ बनाईसकेपछि सैनिकका लागि युद्ध लड्न धेरै नै सहज भयो । एके–४७ का धेरै सकारात्मक पक्ष मध्ये कुनै पनि टे«ेनिङ बिना नै पनि चलाउन सकिन्छ ।

भारतमा सबैभन्दा लेटेस्ट एके–४७ को भर्सन !
भारतको उत्तर प्रदेशको अमेठीमा अब विश्वको सबैभन्दा खतरानाक एसल्ट राइफल एके–२०३ राइफलको निर्माण हुनेभएको छ । प्रधत्रानमन्त्री नरेन्द्र मोदीले उक्त स्थानको कोरवा आयुध कारकानाको उद्घाटन पनि गरेका छन् । यो कारखानामा हरे वर्ष ७५ हजार एके–२०३ राइफल बनाइने छ । यो एके–४७ राइफलको सबैभन्दा उन्नत संस्करणका रुपमा भारतीय सञ्चार माध्यमले जनाएका छन् । यो पुराना एके–४७ को तुलनामा तीब्र गतिमा मार हान्न सक्ने बनाइएको छ । एजेन्सीको सहयोगमा