×

TUNGOON

डा.बाबुराम भट्टराईको वरियता र राजनीतिक उचाई निर्वाचन आयोगमा पेश भएको कागजले गर्दैन।


राष्ट्रिय जनता पार्टी (राजपा) र समाजवादी पार्टी (सपा) बीचको एकतापछि गठन भएको जनता समाजवादी पार्टी ९जसपा० ले निर्वाचन आयोगबाट राष्ट्रिय दलको मान्यता पाएको छ।२०७७ वैशख १० सैद्धान्तिक एकीकरणको घोषणा पछि पार्टीले निर्वाचन आयोगलाई जानकारी गराएको थियो ।जानकारी गराएको ४५ दिनभित्र निर्वाचन आयोगलाई पार्टी एकीकरणबारे दस्तावेजहरु बुझाउनु पर्ने हुन्छ।सोहि अनुसार पार्टीले ४५ औं दिनका दिन शनिवार परेका हुनाले २०७७ वैशाख २५ गतेका दिन सोमवार निर्वाचन आयोगमा दस्तावेज बुझाएको छ। पार्टीका भित्रका तीन शिर्ष नेताहरु महन्थ ठाकुर, डा. बाबुराम भट्टराई र उपेन्द्र यादवबीच आइतबार भएको छलफलबाट नेतृत्व र वरियताका विषयमा टुंगो लगाइएको थियो।तर अझै पनि पार्टिभित्र नेतृत्वको विषयमा तिव्र विवाद सुरु भएको छ। यस पार्टी भित्र अब भने एकता नै संकटमा पर्ने हो की भन्ने प्रश्न समेत खडा भएको छ।
पार्टी स्रोतका अनुसार निर्वाचन आयोगमा महन्थ ठाकुरलाई अध्यक्षसहितको पहिलो वरियतामा राखिएको छ भने ठाकुरकै नेतृत्वमा पार्टी दर्ता पनि गराइएको छ। दोस्रो वरियतामा बाबुराम भट्टराई थिए जसले संघीय परिषद् अध्यक्षको जिम्मेवारी सम्हाल्ने सहमति भएको थियो। यस्तै तेस्रो,चौथो र पाँचौ मा उपेन्द्र यादव केन्द्रीय समितिको अध्यक्ष, अशोक राई र राजेन्द्र महतो वरिष्ठ नेताको वरियतामा पार्टीको सहमति भएको स्रोतले जानकारी गराएको थियो। तर यो सहमती निर्वाचन आयोगमा पुग्दा डा.भट्टराईको वरियता एकाएक चौथो स्थानमा पुगेको थियो। उनको दोस्रो वरियतामा भएको नाम एकाएक टिपेक्स ले मेटेर चौथो वरियतामा पुगेको कुरालाई सर्वत्र आलोचना थरिएको छ। विशाल जनयुद्धका चालक,पुर्व प्रधानमन्त्रि र एउटा विशााल पार्टीका अध्यक्ष समेत भइसकेको मान्छे चौथो वरियतामा रहेर काम गर्नु पर्दा टिका–टिप्पणी हुनु स्वभाविक पनि हो। यस घटनालाई राष्ट्रिय प्रजातन्त्र पार्टीका अध्यक्ष कमल थापाले ट्वीटमार्फत उनले लेखेका छन्, ‘बाबुरामजीसँग धेरै विषयमा मेरो मतभेद छ। तर,उहाँको वरियता र राजनीतिक उचाई निर्वाचन आयोगमा पेश भएको कागजले गर्दैन।’
आइतबार निर्वाचन आयोगमा दल दर्ता गरमएर कानुनी मान्यता दिए पनि जनता समाजवादी पार्टीभित्रको वरीयता विवाद भने टुंगिएको छैन। घोषणाको भोलिपल्ट दुवै दलका नेता निर्वाचन आयोग पुगेर जनता समाजवादी पार्टी गठन गरेको जानकारी दिएका थिए। जनता समाजवादी ५३ जनाको कार्यसमिति हुने भएकाले तत्कालीन राष्ट्रिय जनता पार्टी (राजपा) बाट २७ र समाजवादी पार्टीबाट २६ जना सदस्य रहेका छन्।


सम्बन्धित खवर

सबै

विचार

खेलकुद

कला