Spread the love
  • 51
  •  
  •  
  •  
  •  
  •  
    51
    Shares

गोदावरी नगरपालिका -७ बुरुन्चुली(श्री सिङे ढडुप साङ्गे चैत)मा दुरदर्शन समुहले ब्लड डोनर्स एसोसियसन नेपाल ललितपुर जिल्ला शाखा, सोलुशन समाज एवं वेल्दी ट्रेड भेस्टिजसँगको सहकार्यमा आकस्मिक घरदैलो रक्तदान सम्पन्न गर्‍यो ।

रक्तादान गर्नेहरु पुरुष १८ जना र महिला ५ जना गरि जम्मा २३ जनाले सहभागिता जनाइ रक्तदान दिएका थिए, भने कान्छा रक्तदाता ,१८ बर्ष पूरा भइ १ महिना पुगेको अनि पहिलो पटक रक्तदान समेत गरेका थिए । इतिहासमै पहिलो पटक यस बुरुन्चुलीमा रक्तदान आयोजना गरेको र त्यसमा पनि 17 औं विश्व रक्तदाता दिवस पनि परेको बताउनु हुन्छ दुरदर्शन समुहका अध्यक्ष श्री सन्जीब सिंह तामाङ ।


रक्तदान गर्ने संघ संस्थाहरुको छाता संगठन यस एशोसिएशनले रक्तदान सम्बन्धि विविध कार्यक्रमहरु आयोजना गर्दै आएको छ । उपलब्धिपरक जनचेतनामुलक कार्यक्रमहरुकै कारण राष्ट्रमा मानवीय सेवा समर्पित एक उच्चकोटीको गरिमामय संस्थाको उपमा बन्न पुगेको छ।।

आज विश्वमा हरेक दिन दुर्घटना बढ्दै गएका छन्, जसमा मानविय क्षति पनि बढीरहेको छ । दुर्घटनाका कारण होस् या अन्य कुनै रोगको उपचारका क्रममा होस् रगतको आवश्यकता परिपूर्ति गर्न सबैलाई कठीन भइरहेको छ । यस्तो अवस्थामा रक्तदान जनचेतना र कार्यक्रमलाई जनस्तरमा अझ प्रभावकारी ढंगले विस्तार गर्दै जानुपर्ने देखिन्छ । यस कार्यक्रममा सर्व प्रथम यो समयमा संचारक्रमीहरुले ब्लोदाको सदस्यता प्राप्तगरी वहॉहरुले जानेको खण्डमा मिडिया मार्फत रगतको वारे वार वार जनचेतना पुग्दछ ।

रगत कसलाई आवस्यक पर्दछ ?

  1. ठूलो शल्यकृया गर्नु पर्ने विरामी
  2. दुर्घटना वा चोट लागेर धेरै रगत बगेको विरामी
  3. महिलाहरुलाई प्रसुतिको अवस्थामा
  4. जन्मदा रक्तरोग भएका शिशुहरु
  5. क्यानसरका विरामिहरु
  6. वंशानुगत रक्तरोगीहरु जस्तै थालिसिमिया, हेमोफिलिया तथा एनिमिया ।
  7. आगोले पोलेका विरामीहरु
  8. रक्त अल्पता भएका विरामीहरु

रक्तसंचारको इतिहास :

  1. इ.सं. १६१६ बेलायतका डा. विलियम हार्वेले प्रथम पटक व्यवस्थित रुपमा अध्यन गरी रगत मानिसको शरिरमा विस्तार प्रवाहित हुन्छ भन्ने कुरा सिद्ध गरे ।
  2. सन १८१८ : बेलासतका प्रसुति विशेषज्ञ डा. जेम्स ब्हन्डेलले एउता मानिसको रगत अर्को मानिसमा सफल्तापूर्वक संचार गरी मानिसको रगतमात्र मानिसलाई दिन सकिन्छ भन्ने कुरा प्रमाणित गरे ।
  3. सन् १९०१ : अस्ट्रियाका डा. कार्ल लेण्डस्टीनरले ABO रक्त समुह पत्ता लगाए ।
  4. सन् १९१४ : बेल्जियमका डा. हस्टिनले मानव शरीर बाहिर पनि सोडियम साईट्रेट नामक रसायनमा मिसाएर राखेमा रगत जमदैन र बोतलमा राख्न सकिन्छ भन्ने कुरा पत्ता लगाए ।
  5. सन् १९३२ : डा. आन्द्रे बाग्दासोरोभ रक्तदातावाट संकलित रगतलाई गुल्कोज र सोडियम साइट्रेट ठिक मात्रामा मिसाएर ४ डिग्री सेन्टिग्रेड तापक्रममा २१ दिनसम्म राख्न सकिने कुरा पत्ता लगाए ।
  6. सन् १९३६ : क्यानाडाका डा. नर्मल बेथुनले स्पेनको म्याट्रिडमा विश्वको प्रथम रक्तसंचार सेवा स्थापना गरे ।
  7. वि. सं. २०२३ : काठमाडौमा नेपालको प्रथम रक्तसञ्चार सेवा केन्द्रको स्थापना भयो ।

मानव रगतको कुनै विकल्प छैन :
रगत कुनै कारखानामा बन्दैन र खोलामा पनि बग्दैन । जनावरको रगत मानिसलाई दिन मिल्दैन । कृत्रिम रगत बनाउने प्रयास वैज्ञानिकहरुले गरे तापनि हालसम्म सफल भएका छैनन् । यदि त्यस्तो कृत्रिम रगत तयार भएपनि नेपाल जस्तो अल्पविकसित मुलुक जन्ताको पहुँच भित्र हुने छैन अर्थात् अत्यन्त महंगो बस्तु हुनेछ । यसकारण स्वयमंसेवी रक्तदाता नै सुरक्षित रगतका एकमात्र स्रोत हुन् र रक्तसंचारका लागि यो भन्दा अर्को विकल्प छैन ।

रगतको मात्रा :
पुरुष – ७६ मि. लि. प्रति किलोग्राम शारीरिक तौल
महिला – ६६ मि. लि. ,, ,, ,, ,,
दैनिक कार्य सञ्चालनका लागि आवश्यक रगतको मात्रा – ५० मि. लि. प्रति किलोग्राम

प्रत्येक ब्यक्तिले – ८ मि. लि. प्रति किलोग्राम रक्तदान गर्न सकिन्छ ।
नेपालमा रक्तदान गर्न आवस्यक न्यूनतम तौल ४५ कि. ग्रा. राखिएको छ ।
त्यसकारण एउटा ४५ कि. ग्रा. तौल भएको व्यक्तिले 45×8= 360 मि.लि. रक्तदान गर्न सकिन्छ ।

रगत : 55 % प्लाज्मा + 45 % रक्तकोष
प्लाज्मा : 92 % पानी 8 % लवन र अन्य तत्व
रक्तकोष : रातोरक्तकण + लौहतत्व
रक्तकण + प्लेटलेट्स

दान गरिएको रगतको परिपुर्ति :
प्लाज्मा ४८ घण्टा ( २ दिन ) भित्र पुरा हुन्छ ।
रक्तकोष २१ दिन भित्र
एउटा स्वस्थ व्यक्तिले प्रत्येक ९० दिन अर्थात तिन महिनामा रक्तदानपछी गर्न सकिन्छ ।
रक्तकोषहरुको आयु केही दिन देखि केही महिनासम्म हुन्छ ।त्यस्तो रक्तकण सव भन्दा लामो समय १२० दिन सम्म बॉच्दछ तर संचित गरी (मानव शरीर बाहिर ) राखिएको रगत ४ डिग्री सेन्टीग्रेड तापक्रम्मा ३५ दिन सम्म मात्र राख्न सकिन्छ ।

कसले रक्तदान गल्न सक्छ ?

  • उमेर १८ वर्ष देखि ६४ बर्ष सम्म
  • तौल ४५ किलोग्राम र सो भन्दा माथी

हामीले किन रक्तदान गर्नु पर्छ ?
रक्तदाताहरु थोरै छन् तर रगतको माग धेरै छ । कसलाई कतिवेला रगतको आवश्यक्ता पर्छ भन्न सकिन्न । यसकारण रगतको मागको अनुपातमा रक्तदाता वृद्धि हुनु भनेको सबैको आवस्यक परेको बखतमा रगत पाउने आस्वस्तता पनि हो । यदि सबै सक्षम व्यक्तिले सामाजिक दायित्व सम्झेर रक्तदान गर्ने हो भने रगतको अभाव हुँदैन फलस्वरुप स्वयंसेवी रक्तदाताको स्वच्छ सुरक्षित रगतबाट समाज र देश लाभान्वित हुन सक्छ ।
देशको रगतको माग पुरा गर्न कम्तिमा जनसंख्याको 2% व्यक्तिले रक्तदान गर्न आवश्यक हुन्छ ।

२०७६ चैत ११ गते देखि नेपालमा कोरोना भाईरस (कोभिड-१९) को महामारीको समयमा आफनो ज्यानको बाजी लगाएर बिरामीहरुलाई रगतको अभाव परिपुर्ति गर्न ब्लड डोनर्स एशोसिएशन नेपाल जिल्ला शाखा काठमाडौंको सचिव श्री अनिल रत्न तुलाधरको संयोजकत्वमा काठमाडौं, ललितपुर र भक्तपुर ब्लोदान शाखा र नेपाल रेडक्रस सोसाइटी, रक्तसंचार सेवा भक्तपुरको सहकार्रीयतामा २०७६/११/१४ गते देखी २०७७/२/३१ विश्व रक्तदाता दिवसका दिन सम्म निरन्तर आकस्मिक घर दैलो रक्त संकलन अभियान गरी लगभग ६५०० पिन्ट रगत संकलन गर्न सफल भएको बताउनुहुन्छ ब्लड डोनर्स एशोसिएशन नेपाल( ब्लोदान ) का ललितपुर जिल्ला शाखाको वर्तमान अध्यक्ष साधुराम महर्जन ।

ब्लड डोनेट गर्न ईच्छुक व्यक्ति सम्पर्क गर्न सक्नुहुनेछ
साधुराम महर्जन
अध्यक्ष
ब्लोदान ललितपुर
9851085812