फिल्ममा १ अर्ब ५० करोड सम्मको लगानी तहस नहस,सरकार संग राहत माग्दै

चलचित्र निर्माता संघको प्रदर्शन तथा वितरण तयारीमा रहेका फिल्महरू लकडाउनका कारण क्षति भएकोले फिल्मका निर्मात राहत माग्दै सरकारको ढोका ढक्ढक्याउन पुगेका छन् ।
चलचित्र बिकास बोर्डका अध्यक्ष दयाराम दाहालले ६३ जना चलचित्र निर्माताको नाम टिपेर दाहालले यसको छिनोफानो गर्न नरेन्द्र महर्जनको संयोजकत्वमा समिति बनाएको र त्यसको सुझावका आधारमा राहात वितरण गरिने बताए ।
६४ वटा फिल्म एक अर्ब पचास करोड सम्मको लगानी अन्योलमा वा फसिरहेको बताए । आजको दिन सम्म हामीले सरकारसंग सुको पनि मागेको थिएनौं । यो संकटको समयमा हात फैलाएका छौ । धरै थोरै जे हुन्छ ,सरकारले गर्यो भने अभिभावकत्व लिएको महसुस हुनेछ । यसले निर्माताको घाटा त उत्ति धेरै कम नगराउला तर मनोबल भने बढाउँछ । यदि निर्मातालाई यो फिल्म क्षेत्रमा टिकाइ रहने हो भने सरकारले केही न केही सम्बोधन गर्नुपर्ने हुन्छ ।
लकडाउन अनिश्चित बनिरहँदा यो साल रिलिज हुने फिल्म निक्कै कम हुने अनुमान चलिरहेको बेला बाहिरिएको सुचीले भने लकडाउन खुलेमा सुटिङ जान तयार फिल्मको कमी नहुने संकेत गरेको छ । प्रदर्शन हुन बाकी रहेका र छायांकनमा जान तयार फिल्मको सुची हेर्दा साल पनि ६० को हारहारीमा फिल्म प्रदर्शन हुने अनुमान गर्न सकिन्छ। अघिल्लो साल ५५ वटा फिल्म प्रदर्शन भएका थिए ।