×

TUNGOON

आजदेखि नेपालमा खोप अभियान सुरु



काठमाडौं । माघ १४ गते
आजदेखि नेपालमा प्रधानमन्त्री केपी शर्मा ओलीले कोरोनाविरूद्धको खोप अभियान शुभारम्भ गर्नु भएको छ । स्वास्थ्य मन्त्रालयले आयोजना गरेको खोप अभियानको प्रधानमन्त्री ओलीले भर्चुअल माध्यमबाट देशभरका खोप केन्द्रमा एकसाथ शुभारम्भ गर्नु भएको हो । ओलीले खोप अभियान शुभारम्भ गरेको देशका विभिन्न १२० केन्द्रमा भर्चुअल माध्यमबाट देखाइएको थियो । खोप अभियान अन्तरगत आज पहिलो दिन १२ हजार जनालाई खोप लगाइने जनाइएको छ ।स्वास्थ्य मन्त्रालयमा आयोजित खोप शुभारम्भ समारोहमा प्रधानमन्त्री ओलीसहित, स्वास्थ्यमन्त्री हृदयेश त्रिपाठी, भारतीय राजदूत विनयमोहन क्वात्रा लगायत सहभागी छन् ।स्वास्थ्य सेवा विभाग खोप शाखाका निर्देशक डा।.झलक शर्मा गौतमका अनुसार पहिलो खोप भने टेकुस्थित शुक्रराज ट्रपिकल तथा सरुवा रोग अस्पतालका निर्देशक डा।सागर राजभण्डारीले लगाउनु भएको छ ।

यस्तै वीर अस्पताल, आयुर्वेद अनुसन्धान तथा तालिम केन्द्र अस्पताल, कीर्तिपुर, पाटन अस्पताल, परोपकार प्रसूति तथा स्त्री रोग अस्पताल, त्रिवि शिक्षण अस्पताल, भक्तपुर अस्पताल, शहीद धर्मभक्त अंग प्रत्यारोपण केन्द्र, काठमाडौं मेडिकल कलेज, जोरपाटी, सशस्त्र प्रहरी अस्पताल, बलम्बु, शहीद गंगालाल अस्पतालका चिकित्सकरस्वास्थ्यकर्मीले एकैपटक खोप लगाउँदै छन् ।गौतमका अनुसार काठमाडौंमा १२, भक्तपुरमा दुई र ललितपुरमा तीन अस्पताल गरी उपत्यकाका १७ केन्द्रबाट खोप उपलब्ध हुनेछ । काठमाडौं उपत्यकाबाहिर ६२ अस्पतालअन्तर्गत १०३ खोप केन्द्रबाट खोप लगाइनेछ ।पहिलो चरणमा कोरोना महामारी रोकथामका लागि अग्रपंक्तिमा खटिएका ४ लाख ३० हजार जनालाई खोप लगाइने कार्यक्रम छ ।गौतमका अनुसार देशभरका ३ सय खोप केन्द्रमध्ये सात प्रदेशका १२० केन्द्रमा खोप पुगिसकेको छ । २८० केन्द्र तयार हुन बाँकी रहेकाले ती केन्द्रबाट खोप सुरू हुन भने कम्तीमा आइतबारसम्म लाग्ने गौतमले बताए ।नेपाललाई भारतले गत बिहीवार १० लाख डोज अनुदानमा खोप उपलब्ध गराएको थियो ।


सम्बन्धित खवर

सबै

विचार

खेलकुद

कला