×

TUNGOON

ओलीले पार्टीका सम्पूर्ण नेता कार्यकर्तालाई आघात पुर्‍याएर एक्लिँदै गएको नेकपा एमालेका वरिष्ठ नेपालको दाबी


काठमाडौं। चैत २७ गते
पार्टीलाई एकताबद्ध गर्ने हो भने पार्टी अध्यक्ष एवं प्रधानमन्त्री केपी शर्मा ओली २०७५ जेठ २ को अवस्थामा फर्कनु पर्ने नेकपा एमालेका वरिष्ठ नेता माधवकुमार नेपालले बताउनु भएको छ । आज विराटनगरमा एमालेको समानान्तर मोरङ जिल्ला समिति गठन गर्न आइपुगेका नेता नेपालले पार्टीलाई २०७५ जेठ २ को अवस्थामा पुर्‍याउन आग्रह गर्नु भएको छ । नेपालले पार्टीमा ओली मात्र नभएर अष्टलक्ष्मी शाक्य, वामेदव गौतम, भीम रावल र युवराज ज्ञवालीलगायतका धेरै नेताहरू पनि निर्वाचित भएको स्मरण गर्नु भएको छ ।

नेपालले उहाँहरूलाई यथावत् स्थान दिइनुपर्ने भन्दै महाधिवेशनले चुनेका नेताहरूलाई अनाहकमा निकालेर पार्टी एकताबद्ध र विवादको समाधान नहुँने उल्लेख गर्नु भएको छ । उहाँले अध्यक्ष ओलीले आफ्ना केही भक्त र भजनमण्डलीलाई मात्र पार्टीमा प्रश्रय दिएको उल्लेख गर्दै ओलीको दास हुन नसक्नेहरू सङ्गठित भइरहेको जानकारी दिनु भएको छ । नेता नेपालले ओलीले पार्टीका सम्पूर्ण नेता कार्यकर्तालाई आघात पुर्‍याएर एक्लिँदै गएको दाबी गर्नु भयो ।


सम्बन्धित खवर

सबै

विचार

खेलकुद

कला