काठमाडौं । बैशाख ४ गते
संसदले काम गर्न नदिएको भन्दै प्रधानमन्त्री केपी शर्मा ओलीले सभामुखको आलोचना गर्नु भएको छ । बालुवाटारमा जारी सर्वदलीय बैठकमा संसदले सरकारलाई काम गर्नै नदिएको र त्यसको प्रमुख भूमिका सभामुख अग्निप्रसाद सापकोटाले खेलिरहेको प्रधानमन्त्री ओलीले गुनासो गरेको बैठकमा सहभागी राप्रपा अध्यक्ष प्रकाशचन्द्र लोहनीले जानकारी दिनु भएको छ ।

त्यसको जवाफमा परिपक्क राजनीतिक नेतृत्व रहेकाले छलफल गरेर समस्या समाधान गर्न सुझाव दिएको उहाँले बताउनु भयो । कोरोनाको दोस्रो चरण शुरु हुने क्रममा रहेको त्यसलाई कसरी निण्न्त्रण गर्ने भन्ने विषयमा समेत सर्वदलीय बैठकमा छलफल भएको अध्यक्ष लोहनीले जानकारी दिनु भएको छ । ।आजको सर्वदलीय बैठकमा माओवादी केन्द्रका अध्यक्ष प्रचण्डसहित जसपाका अध्यक्षद्वय डाक्टर बाबुराम भट्टराई र उपेन्द्र यादव भने सहभागी भएका छैनन् ।