×

TUNGOON

महाशिवरात्रि अगाडि पशुपति क्षेत्रमा शिवका मूर्ति तथा देवीदेवताका चित्र चित्रण गर्न पर्यटनमन्त्री आलेद्वारा निर्देशन


काठमाडौं । फागुन ५ गते
महाशिवरात्रि अगाडि नै पशुपति क्षेत्रमा भगवान् शिवका मूर्ति तथा देवीदेवताका चित्र चित्रण गर्न संस्कृति, पर्यटन तथा नागरिक उड्डयनमन्त्री प्रेमबहादुर आलेले निर्देशन दिनु भएको छ । बुधबार साँझ पशुपति क्षेत्रमा निरीक्षण अवलोकनका लागि त्यहाँ पुगेएका मन्त्री आलेले शिवरात्रिको समयमा पशुपति क्षेत्रमा विभिन्न देवीदेवताका चित्रसहितका वाल पेन्टिङ गर्न पशुपति विकास कोषका पदाधिकारीलाई निर्देशन दिनु भएको हो ।

यसैगरी मन्त्री आलेले पशुपति क्षेत्रमा रहेका अव्यवस्थित टहरा, पसल व्यवस्थित ठाउँमा तत्काल सार्न र यहाँ फूल प्रसाद बिक्री गर्नेका लागि पायक पर्ने ठाउँमा पसल निर्माण गर्नसमेत निर्देशन दिनु भउको छ । निरीक्षणकै क्रममा मन्त्री आलेले पशुपति क्षेत्रमा जताततै फोहरको थुप्रो, पर्खाल वरिपरि दिसा, पिसाबले भरिएकाले सबै सफा राख्न र पर्खालमा भगवान्का चित्र चित्रण गर्न आग्रह गर्नु भउको छ । उहाँले पशुपति परिसरमा सरसफाइ, जीर्णोद्धार तथा व्यवस्थापनका विषयमा विस्तृत छलफल गर्नसमेत आग्रह गर्नु भएको छ ।

देश विदेशबाट आउने लाखौँ भक्तजनको सहज सुविधा र आकर्षण बढाउन पशुपतिको अहिलेको अव्यवस्थालाई पूरै हटाएर व्यवस्थित र आकर्षक बनाइने मन्त्री आलेले बताउनु भएको छ । पशुपति विकास कोषका सदस्य सचिव मिलनकुमार थापाले मन्त्रीको निर्देशनपछि व्यावसायिक कलाकार लगाएर भित्तामा कलात्मक तस्बिर चित्रण गर्ने काम तत्काल सुरु गरिने बताउनु भएको छ ।


सम्बन्धित खवर

सबै

विचार

खेलकुद

कला