×

TUNGOON

खोटाङमा ४१५ जनप्रतिनिधिका लागि १ हजार २८१ जनाको उम्मेदवारी दर्ता


काठमाडौं । बैशाख १८ गते
खोटाङका १० स्थानीय तहका ४१५ जनप्रतिनिधिका लागि १ हजार २८१ जनाको उम्मेदवारी परेको छ । दुई नगरपालिका, आठ गाउँपालिका र ७९ वडाका लागि जम्मा १ हजार ३३० जनाले मनोनयन दर्ता गराएकामा उम्मेदवारको अन्तिम नामावली प्रकाशनमा आइपुग्दा १ हजार २८१ जनाको उम्मेदवारी कायम भएको हो ।

१० जना अध्यक्षरप्रमुखका लागि ३९ जना र १० उपाध्यक्षरउपप्रमुखका लागि ३० जना उम्मेद्वार चुनावी मैदानमा उत्रिएको जिल्ला निर्वाचन अधिकारी राजेश गौतमले जानकारी दिए । ७९ वडाध्यक्षका लागि २७८ जनाको उम्मेद्वारी कायम भएको छ । यस्तै, हरेक वडामा दुई जनाका दरले निर्वाचित हुने १५८ खुला सदस्यका लागि ४८८ जना, ७९ जना महिला वडा सदस्यका लागि २३० र ७९ जना दलित महिला सदस्यका लागि २१७ जनाको उम्मेदवारी परेको छ ।

दिक्तेल रुपाकोट मझुवागढी नगरपालिका प्रमुखमा ४ जना, उपप्रमुखमा ३ जना, वडाध्यक्षमा ५९, वडा सदस्यमा १११, महिला सदस्यमा ४९ र दलित महिला सदस्यमा ४९ जनाको उम्मेदवारी कामय भएको छ । हलेसी तुवाचुङ नगरपालिका प्रमुखमा ७ जना, उपप्रमुखमा ३ जना, वडाध्यक्षमा ३६, वडा सदस्यमा ६२, महिला सदस्यमा ३० जना र दलित महिला सदस्यका लागि २९ जना चुनावी मैदानमा उत्रिएका छन् ।

यस्तै, साकेला गाउँपालिका अध्यक्षमा ३, उपाध्यक्षमा ४, वडाध्यक्षमा २० जना, वडा सदस्यमा ३८, महिला सदस्यका लागि १७ र दलित महिला सदस्यका लागि १४ जना, दिप्रुङ चुईचुम्मा गाउँपालिका अध्यक्षमा ६ जना, उपाध्यक्षमा ४ जना, वडाध्यक्षमा ३० जना, वडा सदस्यमा ४६, महिला सदस्यमा २३ जना र दलित महिला सदस्यमा २१ जना, खोटेहाङ गाउँपालिका अध्यक्षमा २, उपाध्यक्षमा २, वडाध्यक्षमा २५ जना, वडा सदस्यमा ४२, महिला सदस्यमा २१ र दलित महिला सदस्यमा १९ जना चुनावी मैदानमा छन् ।

यस्तै, रावाबेँसी गाउँपालिका अध्यक्षमा ४ जना, उपाध्यक्षमा ४ जना, वडाध्यक्षमा २७, वडा सदस्यमा ३५, महिला सदस्यमा १६ र दलित महिला सदस्यमा १८, ऐसेलुखर्क गाउँपालिका अध्यक्षमा ५, उपाध्यक्षमा ३, वडाध्यक्षमा २३, वडा सदस्यमा ३८, महिला सदस्यमा १९ र दलित महिला सदस्यमा १८ जना, बराहपोखरी गाउँपालिका अध्यक्षमा २, उपाध्यक्षमा २, वडाध्यक्षमा १७, वडा सदस्यमा ३८, महिला सदस्यमा १७ र दलित महिला सदस्यमा १४ जनाको उम्मेद्वारी कायम भएको छ ।

केपिलासगढी गाउँपालिकामा ३ जना, उपाध्यक्षमा ३, वडाध्यक्षमा २३, वडा सदस्यमा ४६, महिला सदस्यमा २३ र दलित महिला सदस्यमा २२, जन्तेढुंगा गाउँपालिकामा प्रमुखमा ३ जना, उपाध्यक्षमा २ जना, वडाध्यक्ष १८, वडा सदस्य ३२, महिला सदस्यमा १५ र दलित महिला सदस्यमा १३ चुनावी मैदानमा उत्रिएका छन् ।

 


सम्बन्धित खवर

सबै

विचार

खेलकुद

कला